My Daily Strength

தேவனுடைய பரிபூரண அன்பு -- Rev. Dr. ஜெ. சாமுவேல் சுதாகர்

இன்றைய தியானம் : 'நியாயத்தீர்ப்புநாளிலே நமக்குத் தைரியமுண்டாயிருக்கத்தக்கதாக அன்பு நம்மிடத்தில் பூரணப்படுகிறது' 1 யோவான் 4:17

தேவனுடைய அன்பு நமக்குள் பரிபூரணமாயிருப்பதால் நியாயத் தீர்ப்பை எதிர்கொள்ளும் தைரியம் நமக்கு உண்டாயிருக்கிறது. ஏனெனில் அவர் இருக்கிற பிரகாரமாகவே நாமும் இவ்வுலகத்தில் இருக்கிறோம். தேவன் உங்களைக் கிறிஸ்துவின் அன்புக்கு ஸ்தானாபதியாய் இந்த உலகத்தில் வைத்திருக்கிறார். தேவனுடைய தெய்வீக அன்பினால் நீங்கள் நிரப்பப்ட்டிருப்பீர்களானால் உங்களுக்கு நேரம் கிடைக்கிற போதெல்லாம் அவருடைய பாதத்திலிருக்கவும் அவரோடு நேரம் செலவழிக்கவும் வாஞ்சிப்பீர்கள். அப்படிச் செய்வதன் மூலம் அளவில்லாத அவருடைய வல்லமை உங்களுக்குள் கிரியை செய்யும்.

தேவனுடைய அன்பு உங்கள் வாழ்க்கையில் கிரியை செய்வதால் நியாயத் தீர்ப்பு நாளை எதிர்கொள்ளும் தைரியத்தைப் பெற்றுக்கொள்ளுவீர்கள். உங்களுக்குள் காணப்படும் பூரண அன்பு எல்லா பயங்களையும் புறம்பே தள்ளும். அன்புக்குப் பயமில்லை.

அன்பான நண்பரே இந்த வார்த்தைகளை வாசிக்கின்ற வேளையில் உங்கள் வாழ்க்கையில் பொல்லாங்கன் கொண்டு வரும் செயல்களையும் அவனுடைய திட்டங்களையும் மேற்கொள்ளத்தக்கதாக தேவனுடைய அன்பு உங்களை ஆளுகை செய்ய வேண்டுமென்று ஜெபிக்கிறேன். உங்களுக்குள் காணப்படும் இந்த தெய்வீக அன்பு அவர் கொடுத்த ஈவாகும். இந்த ஈவு மற்ற எல்லாரையும் விட உங்களைச் சிறந்த சாட்சிகளாக நிறுத்தும். கர்த்தராகிய இயேசு கிறிஸ்து உங்கள் மேல் கொண்ட அன்பினால் கல்வாரி சிலுவையில் தம்மை வெறுமையாக்கினார். மெய்யான அன்பை இவ்வுலகிற்கு காண்பித்த அவருடைய இலட்சியத்தை நீங்கள் உடைவார்களாயிருக்கவேண்டும். மெய்யான அன்பை வாழ்க்கையில் வெளிப்படுத்துவது மிகவும் கடினம் என்று இந்த உலகம் கூறினாலும் தம்முடைய வார்த்தையைப் பின்பற்றும்படி கட்டளை கொடுத்தவர் அதனை நிறைவேற்றத் தேவையான கிருபைகளை உங்களுக்கு அருளுவார்.

தேவன் அன்புள்ளவராயிருப்பதினால் நீங்களும் அன்பை வெளிப்படுத்தவேண்டும் என்று அவர் விரும்புகிறார். அதினிமித்தம் உங்களைச் சுற்றியுள்ளவர்கள் நீங்கள் கிறிஸ்துவினுடையவர்கள் என்பதை அறிந்து கொள்வார்கள். ஒவ்வொரு நாளும் நீங்கள் செய்யும் கிரியைகள் தேவ அன்பு உங்களுக்குள் கிரியை செய்கிறது என்பதையும் நீங்கள் அவருக்காகப் பிரகாசிக்கிறீர்கள் என்பதையும் நிரூபிக்கும். பிசாசானவன் தேவனுடைய அன்பை உங்களுக்குள் காணும்போது நடுங்குவான். தியாகமுள்ள அன்பை நீங்கள் வெளிப்படுத்துவதை அவனால் சகித்துக்கொள்ளமுடியாது. நீங்கள் அவ்வாறு செய்யும்போது அவனால் உங்களைத் தொடவே முடியாது. எனவே தேவனுடைய அன்பில் அனுதினமும் வளருங்கள். அந்த அன்பு உங்களிலிருந்து பெருக்கெடுத்து ஓடட்டும்.

ஜெபம் : கர்த்தாவே உம்முடைய பரிபூரண அன்பினால் என்னை நிரப்பும்.ஆமென்.


சிந்திக்க : நமக்குள்ளிருக்கும் மெய்யான தேவ அன்பு மகிழ்ச்சியை உருவாக்குகிறது.